Capítulo 3: arranca o Festival do Mundo Celta

Aquí vos deixo un novo videocapítulo do meu compañeiro Bruno Area que recolle o ambiente de Ortigueira na súa primeira xornada.

Os Ulträqäns soan en Ortigueira

Non estaba no certo, os Ulträqäns comezaron á súa hora. Hoxe os concertos arracaban ásBruno Area 22:30 horas. Mañá será cando se adianten unha hora e a Escola de Gaitas de Ortigueira dea os seus primeiros acordes ás 21:30 horas.

Pero parece que a quenda do grupo galego do Runas deste ano xa está a rematar. Agora soamente lles falta saber se a súa enerxía e bo son no escenario lles servíu para convencer ao xurado que, esta mesma noite, fallará o resultado. Ante un público moi animado, a totalidade do grupo aínda conseguiu animalo ben . Dese xeito, os folkies da Alameda brincan ao son duns potentes Ulträqäns. A ver que decide o xurado. Os Stolen Notes están a piques de comezar.

Foto: Bruno Area

Esperando por Ulträqäns

María QuintianaHai apenas media hora que rematou o acto inaugural do Festival. A Escola de Gaitas de Ortigueira, en papel de anfitriona, foi a encargada de abrir e pechar o acto que duraría unha aproximadamente unha hora. Logo de facer resoar a Praza de Isabel II, as tres bandas dirixíronse ao recinto da Alameda, quedando así inauguradas as xornadas de música en Ortigueira. Ao paso das gaitas, mimos en malabaristas apropiábanse, un ano máis, das rúas principais para ledicia de pequenos e maiores.

Agora mesmo terían que estar a soar Ulträqäns pero, como adoita ser habitual, a media horiña de retraso non lla quita ninguén. Sen máis, e esperando que comece a música no escenario Estrella Galicia, seguimos esperando por vós en Ortigueira.

Recordade que mañá Berrogüeto presentará o seu novo álbum, “Kosmogonías” e o sábado será a quenda de Luar na Lubre, que fará disfrutar aos folkies ao son de “Solsticio”.

Xa están case finalizadas as probas de son

Bruno AreaUn pouco antes das 17:30 horas comezaban as probas de son. Os primeiros foron Skerryvore, seguidos de Oscar Ibáñez & Tribo e Stolen Notes. Nestes intres están no escenario os galegos Ulträqäns, que serán os últimos antes de que dea comezo a primeira xornada de música na Alameda.

En menos de media hora dá comezo a inauguración musical deste ano. Os técnicos están a ultimar detalles para que estea todo en orde, mentres que os músicos están afinando as súas gaitas para que os primeiros acordes do Festival sonen o mellor posible.

Segundo as previsións meteorolóxicas o tempo parece que non vai acompañar moito. De todos os xeitos, de seguro non vai impedir que os milleiros de folkies que invaden xa o piñeiral de Morouzos brinquen,ao longo da fin de semana, ao son de grupos coma Berrogüetto ou The Elders.

Foto: Bruno Area

Agora si que si

Xa é o día. Estamos a menos de sete horas de que arranque o Festival. Será ás 20 horas,Bruno Area na Praza de Isabel II, cando a Escola de Gaitas de Ortigueira, a Banda de Gaitas de Ladrido e a Banda de Gaitas de Verín, ademais de grupos e solitas das mesmas agrupacións, dean comezo á nova edición do Festival.

Antes diso, ás 17 horas, abriránse (tamén oficialmente) as casetas da tradicional feira deartesanía, situada no paseo marítimo da vila e a carón dos Xardíns do Malecón, aínda que a estas horas algúns xa están a ensinar os seus traballos. Unha hora máis tarde Bruno Areacomezarán tamén as probas de son do escenario Estrella Galicia. Tanto os Runas Ultraqäns e Stolen Notes coma Oscar Ibáñez & Tribo e Skerryvore, pisarán por primeira vez o escenario de Ortigueira. Nestes intres traballan os técnicos de son e iluminación para que, á chegada das diferentes bandas, estea todo a punto.

Recórdovos que hoxe os concertos comezan unha hora antes có resto dos días, ás 21:30 horas, da man do Proxecto Runas que loitarán para converterse en gañadores esta mesma noite.

Achegádevos a Ortigueira que hoxe si que está todo a punto.

Fotos: Bruno Area

Capítulo 2: a véspera do Festival en Morouzos

Bruno AreaOs folkies aproveitan os servizos especiais que, tanto FEVE como Arriva, poñen a disposición dos visitantes. Dese xeito, chegaban esta tarde a Ortigueira centenares de persoas, o que facía difícil o acceso en coche á praia. Ademais, hoxe á tarde comentaba un comerciante ortegano que “non se vía o final da cola do supermercado”;  e é que, segundo as traballadoras do mesmo, este é o ano que máis cedo chegaron os festivaleiros, tendo xa moito traballo dende mediados da semana pasada.

Agora si que quedan menos de 24 horas para que dea comezo a XXVII edición do Festival Ortigueira. Os Runas deste ano serán os encargados de abrir as xornadas de múscia do escenario Estrella Galicia,  seguidos de Oscar Ibáñez & Tribo e os escoceses Skerryvore. Pero antes diso, ás 20 horas terá lugar a inauguración musical na Praza de Isabel II, coa Escola de Gaitas de Ortigueira e demáis agrupacións.

Bruno Area

Non esquezades tampouco que no Centro de Recepción de visitantes (no paseo marítimo) atópase a exposición fotográfica “Fotografía X”, de Kiko Delgado. Esta presenta o traballo do fotoxornalista da Axencia EFE e do Correo Gallego no Festival de Ortigueira na última década.

Déixovos un novo vídeo do meu compañeiro Bruno Area no que podedes ver como está o piñeiral de Morouzos.

Fotos: Bruno Area

Os folkies seguen chegando a Ortigueira

Bruno AreaNótase que estamos a menos de 24 horas de que dea comezo o Mundo Celta. A acampada de Moruzos xa non é o que era hai dous días ou incluso do que era onte á mañá. Continúa a chegar xente, aínda que todos sabemos que o día do “desembarco” total será o venres. Decenas de persoas percorren os supermeracados da vila para voltar ao piñeiral. Algúns obtan por botar dalgún “amable taxista”, como dicía unha folkie. Porén, son a gran maioría os que, cargados de bolsas, tendas, cadeiras e ata neveiras eléctricas, camiñan día tras día ata Morouzos empapados desa enerxía que Ortigueira lle dá a todos os seus visitantes.

Pero polos que apostan por un medio de transporte máis rápido, mañá ás 16 horas poraseBruno Area en marcha o servicio de autobuses que conectan os aparcadoiros da Venta e de Cuiña coa Vila e, logo diso, coa acampada de Morouzos. Un servizo que estará dispoñible dende primeira hora da mañá ata altas horas da tarde e que será de balde.

 

Fotos: Bruno Area

Capítulo 1: a mañá do martes en Ortigueira

Para que vexades como estaba esta mañá Ortigueira, aquí vos deixo un vídeo do meu compañeiro Bruno Area.

Só faltan dous días

Bruno AreaHoxe martes, a tan só dous días de que dea comezo o Festival, a praia de Morouzos vai collendo cada vez máis cor a mundo celta. Non faltan os “chiringos” ao pé do camiño de madeira que percorre o piñeiral e os fornos de barro que, para os que adoitan visitar a acampada neses días, xa son máis ca míticos. Se te achegas a Morouzos tampouco vas pasar fame; decenas de postos e vendedores ambulantes ofrecen dende empanada galega ata a típica paella valenciana (que vos aseguro ten moi boa pinta).

Bruno Area

Por outra banda, o escenario Estrella Galicia está case a punto. Hoxe rematará a súaBruno Area montaxe, mentres que mañá serán os técnicos de son e iluminación os encargados de pór todo en marcha para que o xoves os finalistas do Proxecto Runas podan dar comezo ás noites de música na vila. Ademais, os stands da feira de artesanía están esperando a encherse de todos eses traballos manuais nos que tantas horas hai postas e dos que a xente que visita Ortigueira ten oportunidade de ver e, o que é máis importante, mercar. Non faltan tampouco os “toldos” da Alameda e dos Xardíns do Malecón que se encargan de quitar a sede aos milleiros de persoas que chegan á vila para disfrutar de boa música.

Ortigueira só está a agardar por vós.

Fotos: Bruno Area

Esta noite en Mourozos xa “durmen” moitos festivaleiros

Se a Alameda de Ortigueira comeza a estar a punto, nin que dicir ten como está xa o pinarBruno Area de Morouzos. Ben é certo que a finais da semana pasada xa se podían ver as primeiras tendas, ao igual que as primeiras “aglomeracións” nos principais supermercados da vila, pero hoxe na praia si que se podía respirar o ambiente de Festival. Os festivaleiros  máis precabidos xa tomaron os mellores lugares do arenal mentres que outros non correron tanta sorte. Algúns deles non puideron acceder á praia e así poder deixar “todo o traballo de moitos meses;pulseiras, bolsos de coiro…”, como ben dicían; e é que, chegaron poucas horas despois de que Protección Civil tomase os principais puntos de acceso ao pobo e á praia e así regular a circulación dos vehículos e emprego dos aparcadoiros.

Bruno AreaAsí que xa sabedes, o pobo xa está pechado, ao igual que o acceso á praia, polo que vinde con forzas para facer unha boa camiñata ou esperade ao xoves, día no que se porá en marcha o servizo de autobuses, como adoita ser habitual.

Fotos: Bruno Area