Ola! Son María Quintiana, aínda que en Ortigueira ando máis por Maru. De feito, non soamente alí na vila, senón que sen darme de conta o meu alcume chegou a lugares tan insospeitados coma Londres ou Barcelona. Así que Maruxa, ese nome tan galego, é o meu. Eiquí e acolá.
Xornalista de carreira, música de nacemento e amante do Festival de Ortigueira de por vida. Esas son tres das cousas que me definen. Por iso abrín este blogue hai 4 anos, para contarvos as novas dese Festival que tantas alegrías (e quebradeiros de cabeza, tamén) me ten dado.
Na edición de 2015 cumprín un sono, de tantos: subir ao escenario Estrella Galicia para presentar o concerto da Escola de Gaitas de Ortigueira no 40 aniversario da formación. Foi un momento único e inesquecible. Por iso, quero seguir vivindo o Mundo Celta o resto da miña vida e, por que non? Seguírvolo contando, á miña maneira.
Graciñas por lerme, amig@s!
Festival Internacional do Mundo Celta de Ortigueira 